13:51, 20 Тамыз 2010 | GMT +5
Қызылордада жалғызбасты жандарға жәрдем берілді
ҚЫЗЫЛОРДА. Тамыздың 20-сы. ҚазАқпарат /Жаңагүл Сердалы/ - Қызылорда қалалық жұмыспен қамту және әлеуметтік бағдарламалар бөлімінде бөгде адамның көмегіне мұқтаж 206 жалғызбасты қарттар есепке алынған. Олардың 49-ы мүгедек болса, 157-сі жасына байланысты зейнеткерлер.
Жалғызбасты жандарға аптасына кемінде екі рет кесте бойынша азық-түлік пен дәрі-дәрмек жеткізіліп беріледі. Сондай-ақ пәтерлеріне тазалау жұмыстары жүргізіледі. Сонымен бірге коммуналдық төлемдерін төлеп, емханаларға апаруға бөлімшеге бекітілген 28 әлеуметтік қызметкерлер көмек қолын созуда. Қарт кісілердің үйлеріне жеңіл жөндеу, әктеу, сырлау, қысқы жылуға дайындық жұмыстары тұрақты түрде көрсетіліп келеді.