Лондон Олимпиадасы: Дзюдошы И. Бозбаев украиндықтың жауырынын жер иіскетті

АСТАНА.  31 шілде. ҚазАқпарат - Бүгін Лондонда өтіп жатқан жазғы Олимпиада ойындары барысында 21 жастағы палуанымыз, дзюдошы Ислам Бозбаев бірінші айналымнан сүрінбей өтті.

Бұл туралы Олимпиада ойындарының ресми сайты  http://www.london2012.com хабарлады.

81 келі салмақта күреске түскен жерлесіміз Ислам Бозбаев, бірінші айналымда қарсыласы украиндық спортшы Артем Василенкодан айласын асырып, таза жеңіспен келесі кезеңге көтерілді. Тоқтала кететін жайт, әлемдік рейтингте И. Бозбаев 20-сыншы, ал украин дзюдосышы 22-інші орында тұр.

Енді жерлесіміз И. Бозбаев татамиде Того өкілі Сачо Денаньонмен күш сынасады.