Мәдениет арқылы әлемді Қазақстанмен таныстырудамыз - Өскемен әкімі Серік Тәукебаев

  ӨСКЕМЕН. 7 тамыз. ҚазАқпарат - Шығыс Қазақстанның облыстық орталығында мүсіншілердің ІІІ халықаралық симпозиумы өтуде, оған 12 елден келген 20 шебер қатысуда.

Олардың арасында Мысыр, Тайвань, Израиль, Украина, Ресей, Мексика, Швейцария, Испания, Америка және Бельгия сынды елдер бар, деп хабарлайды Өскеменнің баспасөз қызметінен.

«Оның басты мақсаты - бүкіл әлемнен келген шеберлердің өз жұмыстарын қалада қалдыруы. Бірақ, ең бастысы - мәдениет арқылы біз әлемді Қазақстанмен таныстырудамыз», - деді Өскемен қаласының әкімі Серік Тәукебаев.

Симпозиумның өткізілуі Лондондағы Олимпиада ойындарымен тұспа-тұс келді, олардың тікелей көрсетілімі түнгі уақытта өтуде. «Шаршағанымызға, және барлығымыз әр елден болғанымызға қарамастан, біз теледидарды қоршап, бір-бірімізбен ортақ жанкүйер боламыз», - дейді мүсіншілер.

Естеріңізге сала кетейік, байқау қорытындылары тамыз айының аяғына қарай шығарылады. Қазіргі кезде қалалық сәулет бөлімі шеберлермен бірігіп мүсіндерді орналастыру орындарын қарастыруда. Айта кетейік, олар жергілікті граниттен жасалған.