Маңғыстау облысында «Асқынған энтерит» ауруының ошағы жабылды

АСТАНА. Мамырдың 27-сі. ҚазАқпарат - Маңғыстау облысында «Ерсай» жауапкершілігі шектеулі серіктестігінің вахталық кентінде тіркелген «Асқынған энтерит» ауруының ошағы жабылды,

науқастардың барлығы жазылып шықты, деп хабарлайды ҚазАқпарат Төтенше жағдайлар министрлігінің баспасөз қызметіне сілтеме жасап. Қарақия ауданындағы «Ерсай» жауапкершілігі шектеулі серіктестігінің вахталық кентінде мамырдың 21-інде сағат 17.30-да осы мекеменің карантиндік аумағына тамақтан уланған 84 адам жеткізілгенін (серіктестік жұмысшылары), оларға «асқынған энтерит» диагнозы қойылғанын ҚазАқпарат бұдан бұрын хабарлаған болатын.