Мәжіліс депутаттары Қ.Бисенов пен С.Әйімбетов Шиелі ауданында сайлаушылармен кездесті

ҚЫЗЫЛОРДА. Тамыздың 20-сы. ҚазАқпарат /Жаңагүл Сердалы/ - Қазақстан Республикасы Пар­ламент Мәжілісінің депутаттары Сейітсұлтан Әйім­бетов пен Қылышбай Бисенов Шиелі ауда­нын­да болып, сайлаушылармен кездесті.

Халық қалаулылары әуелі Жиделі ауыл­дық округіне ат басын тіреп, осындағы жаңа­дан соғылып жатқан № 206 мектеп құры­лысымен танысты. Құрылысты «Астана сервис ЛТД» ЖШС жүргізіп келеді. Ауыл балалары үстіміздегі оқу жылының екінші тоқсанында осы сәулетті де кең, жарық бөлмелерде білім нәрімен сусындайтын болады деп күтілуде.

Осы күні депутаттар ауыл тұр­ғындарымен жүздесіп, ардагер­лердің пікірлеріне құлақ түрді. Аудан әкімі Нұрлыбек Нәлібаев таза ауызсумен қамтамасыз етудің жайы жөнінде әңгімелеп, осындағы атқа­рылып жатқан жұмыстармен таныстырып өтті. Ауыл ақ­сақалдары Мемлекет басшысының шет аймақ­тарға қам­қорлық таныту жөніндегі бағдарла­маларының тиянақты орындалып жатқанына алғыстарын білдірді.

Ауданда индустриялық-инно­вациялық даму тізбесіне енгізілген бірден-бір жоба - қамыстан құрылыс материалдарын шыға­ратын зауыт. Осы жоба шетелден жеткізіле бас­таған құрал-жабдықтар арқылы жүзеге асырылмақ. Депутаттар жоба жұмысымен танысты.

Мәжіліс депутаттары «Нұр Отан» ХДП аудандық филиалы ғимара­тында қоғамдық қабылдау өткізді.