Мемлекет басшысы Алматыда жаңа көлік инфрақұрылымының құрылысы барысымен танысты

АСТАНА. 19 қараша. ҚазАқпарат - Бүгін Алматыда Мемлекет басшысы Нұрсұлтан Назарбаев жаңа көлік инфрақұрылымының құрылысы барысымен танысты, деп хабарлады ҚР Президентінің баспасөз қызметі.

Елбасы Саин көшесіндегі жол айрығын қарап шықты.

Қазір Саин-Торайғыров көшелерінің қиылысындағы жол айрығында қозғалыстың ұзындығы 660 метрлік бөлігі ашық тоннельден өтеді. Бүгінде тоннельді әрлеу, инженерлік желілер мен монолитті коммуникациялық арналар жасау жұмыстары жүргізілуде.

Сондай-ақ Жұбанов және Саин көшелерінің қиылысында тоннельдер жасау және эстакада тұрғызу жұмыстары жүріп жатыр. Эстакаданың ұзындығы - шамамен 340 метр, тоннельдің ұзындығы - 1180 метрден астам. Ал Жұбанов көшесі бойында қажетті жол инфрақұрылымдарын ретке келтіру іске асырылуда.