Мемлекет басшысы Мәскеу және Бүкіл Ресей Патриархы Кириллді Жаңа жылмен және Рождество мерекесімен құттықтады

sp;АСТАНА. Желтоқсанның 23-і. ҚазАқпарат - Елбасы Нұрсұлтан Назарбаев Мәскеу және Бүкіл Ресей Патриархы Кириллмен телефон арқылы сөйлесті.

Әңгімелесу барысында Мемлекет басшысы Патриархты алда келе жатқан Жаңа жылмен және қасиетті Христостың туған күнімен құттықтай  отырып, әртүрлі діни сенімдегі адамдар арасында келісімнің сақталуы, рухани мәдениет пен адамгершіліктің түлеуі үдерісінің маңыздылығын атап өтті.

Қазақстан Президенті Орыс Православ шіркеуінің басшысын келесі жылдың басында Қазақстанға келіп қайтуға шақырды.