Мемлекеттік тілді меңгерудің жауынгер үшін де маңызы зор - аға лейтенант Роман Абдрахманов

ОРАЛ. 7 мамыр. ҚазАқпарат - ҚР Ішкі әскерлерінде мемлекеттік тілді жетік меңгерген жауынгерлер аз емес.

Солардың бірі ­- Батыс құрамасына қарасты №6656-әскери бөлімінің 1-атқыштар ротасы командирінің орынбасары, аға лейтенант Роман Абдрахманов.

Батыс құраманың баспасөз хатшысы, майор Ерболат Сұлтановтың хабарлауынша, Орал қаласында дүниеге келген Роман - Ішкі әскерлер әскери институтының түлегі. Әкесі - татар, анасы - орыс. «Менің қазақша сөй­леуіме балдәурен балалық шағымның куәсі бол­ған достарымның, мектептегі жора-жолдастарымның ықпалы өте көп. Қазақ халқының салт-дәстүрін біліп, оларды сақтауға ата-анамның да ықпалы болды», - дейді Роман Абдрахманов.

Роман тіпті, жары Әлия Абдрахмановаға өзінің үйленгісі келетіні туралы ұсынысты қазақ тілінде жасаған. Содан бері жас жұбайлардың күнделікті дастарқан басында айтылатын әңгіме-дүкендері қа­зақ тілінде өрбиді. Ол күнделікті қызметінен қолы қалт еткенде әскери бөлімге келіп түсетін қазақ тіліндегі мерзімдік басылымдарды, кітаптарды оқып отыруды дәстүрге айналдырған.