Минскіде ТМД тұрақты өкілдерінің отырысы өтті

САНКТ-ПЕТЕРБОР. Тамыздың 18-і. ҚазАқпарат /Елена Мягкова/ - Минскіде ТМД-ға қатысушы мемлекеттердің Тұрақты өкілетті өкілдері кеңесінің кезекті отырысы өтті.

Отырысқа Атқарушы комитеттің төрағасы, ТМД Атқарушы хатшысы Сергей Лебедев қатысты.

Отырыстың күн тәртібіндегі алғашқы мәселе - Тәуелсіз Мемлекеттер Достастығының құрылғандығына 20 жыл толуына байланысты ТМД-ға қатысушы мемлекеттер басшыларының Өтініш жобасы туралы мәселе болды.

Құжатты дайындау бойынша жұмысты жалғастырып, оны бекітілген тәртіп бойынша 2011 жылдың желтоқсанында өтетін мерейтойлық саммитте мемлекет басшыларына ұсыну шешімі қабылданды.