16:01, 22 Тамыз 2014 | GMT +5
НАНКИН-2014: Қазақстандық зілтемірші Татьяна Капсутина қола медаль еншіледі
АСТАНА. ҚазАқпарат - Қытайдың Нанкин қаласында өтіп жатқан жасөспірімдер арасындағы ІІ Жазғы Олимпиада ойындарында қазақстандық зілтемірші Татьяна Капсутина қола медаль еншіледі.

Қоссайыстың қорытындысы бойынша 228 келіні бағындырған ол екінші орын алған ресейлік Светлана Щербакова мен алтын медаль иегері таиландтық Дуанганксорн Чайдидан аса алмады.
Айта кетейік, бұның алдында бәсекенің алғашқы күнінде дзюдошы Бауыржан Жауынтаев Қазақстан құрамасына алғашқы "алтынды" сыйлаған еді. Тағы бір зілтеміршіміз Жасұлан Қалиев жүлделі үшінші орынға табан тіреген болатын.