«Нұр Отан» ХДП ақпараттық тобы Қызылорда облысында кездесулер өткізді

ҚЫЗЫЛОРДА. 7 қаңтар. ҚазАқпарат /Жаңагүл Сердалы/ - «Нұр Отан» ХДП рес­пуб­ликалық сайлауалды штабы жанынан құрылған респуб­ликалық ақпараттық топ мүшелері Қызылорда қаласында халыққа қызмет көрсету орталығы қызметкерлерімен кездесті.

Жиынды «Нұр Отан» ХДП облыстық филиалы төрағасының бірінші орынбасары Өлмесхан Болатбеков жүргізіп отырды. Кездесу кезінде республикалық ақпараттық-насихат тобының мүшелері, партиялық тізім бойынша ҚР Мәжілісі депутат­тығына үміткерлер Сейітсұлтан Әйімбетов, Мұрат Әбенов, Жақып Асанов «Нұр Отан» ХДП республикалық сайлауалды штабының және республикалық ақпараттық-насихаттық топтың жұмысы, сондай-ақ пар­тияның ұлттық іс-қимыл жоспары және сайлауалды тұғырна­масы туралы айтып берді. Топ мүшелері сондай-ақ қатысушылар қойған бірқатар сауалдарға жауаптар қайтарды.

Кездесу барысында «Нұр Отан» ХДП Қызылорда қалалық сайлауалды штабының төрағасы Алтынбек Жарылқасынов қазіргі таңда атқарылып жатқан жұмыстар жайын айтып берсе, орталық директоры Аида Әбибуллаева ақпараттық-насихаттық топ мүше­лерінің мазмұнды әңгіме­леріне ұжым мүшелері атынан алғыс жеткізді. Бұдан кейін топ мүшелері «Абзал және К» жауапкер­шілігі шектеулі серіктестігінде де кездесу өткізді.