«Нұр Отан» партиясына келесі жылы болатын Парламент сайлауына дайындықты қазірден бастау керек - Н.Назарбаев

АСТАНА. ҚазАқпарат - «Нұр Отан» партиясы Саяси кеңесінің Бюро отырысының барысында Қазақстан Президенті Нұрсұлтан Назарбаев партияға келесі жылы болатын және күрделі экономикалық жағдайда өтетін Парламент сайлауы жөніндегі науқанға дайындықты қазірден бастау керектігін атап айтты.

Бұл туралы Ақорданың баспасөз қызметінен хабарлады

- Парламенттегі фракция біз жүзеге асырып жатқан барлық бағдарламаларды заңнамалық тұрғыдан нығайтуды қамтамасыз етіп отыр. Партия азаматтық қоғаммен кең ауқымды диалогты жолға қойды. Оның бастамасымен құрылған «Қазақстан-2050» жалпыұлттық демократиялық күштер коалициясы біздің қоғамды ұйыстыратын алаңға айналды, - деді Нұрсұлтан Назарбаев.