Нұротандықтар ОҚО-да сайлаушылармен кездесу өткізді

АСТАНА. 6 қаңтар. ҚазАқпарат - «Нұр Отан» республикалық қоғамдық штабының мүшелері үгіт-насихат науқаны жұмысын одан әрі жалғастыруда.

Бүгін олар Оңтүстік Қазақстан облысына келді. Студенттермен, өңірдің жастарымен, сондай-ақ шаруашылық және фермерлік қожалықтардың өкілдерімен болған кездесуде сайлауалды тұғырнаманың негізгі қырлары талқыланды, деп хабарлады партияның баспасөз қызметі.

Нұротандықтар сонымен қатар Сайрам ауданындағы көкөністерді өсіретін «Шымкентпласт» жылыжайында болды.