Нұрсұлтан Назарбаев іс жүзінде ядролық қарулы елдерге әлемдік қауымдастықтың ұжымдық үндеуін қабылдауды ұсынды

Ю-ЙОРК. 21 қыркүйек. ҚазАқпарат /Мұратбек Мақұлбеков/ - Елбасы Нұрсұлтан Назарбаев іс жүзінде ядролық қарулы елдерге өз амбицияларынан бас тартып, бәрін қамтушы келісімдерге қосылуға шақыратын әлемдік қауымдастықтың ұжымдық үндеуін қабылдауды ұсынды. Мемлекет басшысы бұл идеяны БҰҰ Бас Ассамблеясының 66-шы сессиясында жасаған баяндамасында айтты.

«21 ғасырда жаппай жанталаса қарулану функциясын кеңейтілген өкілеттіктері бар ұжымдық орган, мәселен, БҰҰ-ның Қауіпсіздік Кеңесі тиімді іске асыра алады,- деді Н.Назарбаев.