ОҚО Наурызды мейрамға дейін 9 күн бұрын мерекелейтін болады
Сонымен бірге, Оңтүстік Қазақстан әкімі аппараты басшысының орынбасары Уәли Беріктің айтуынша, мерекелеу бағдарламасы ұлттық салт-дәстүрлерге толы болмақшы.
Мерекелік іс-шаралар басты мейрамға дейін 9 күн бұрын басталады. Әр күннің өз тақырыбы болады. Мысалға, бірінші күннің іс-шарасы «Көктем нұры» болып аталады. Бұл күні облыс, аудан әрі қала әкімдері соғыс және еңбек ардагерлерін құттықтайды, ал жастар ұйымдарының мүшелері қарт адамдарға шаруашылық бойынша жәрдем көрсетеді.
Екінші күн «Еске алу күні» деген ұранмен өтетін болады, оның шеңберінде еске алу дұғалары бағышталады және мешіттерде еске алу асы беріледі, қаза болған шекарашылардың ескерткішіне гүл қойылады, сонымен қатар, Төле бидің 350 жылдығына және Абылай ханның 300 жылдығына бағышталған республикалық айтыс басталады.
Жалпыхалықтық сенбілік «Жаңару және тазару күні» деген атаумен үшінші күнге жарияланған. Саяжолдар мен саябақтарда, гүл бақтарында ағаштар отырғызылатын болады.
Төртінші күннің тақырыбы - молшылық. Молшылық күні балалар үйі-интернаттарын, қарттар үйлерін аралау көзделген. Олардың қамқоршыларына қолдан келген көмектің бәрі көрсетілетін болады.
Бесінші күні «Өркендеу күні» деген ұранмен өтеді. Бұл күні облыс перзентханаларында нәрестелер мен аналарды құттықтау, оларға жалпыхалықтық сенбілікте отырғызылған атаулы ағаштардың куәліктерін тапсыру, ауылдың үздік еңбекшілерін марапаттау жоспарланып отыр.
Алтыншы күн - «Шаттық күні». Оқу орындарында, мәдениет мекемелерінде қолданбалы өнер көрмелері ұйымдастырылатын болады, қала көшелері безендіріле бастайды.
Жетінші күні «Қуаныш күні» деген атауға ие болды. Жергілікті телеарналардың эфирінде ойын-сауық бағдарламалары беріледі, мәдени-бұқаралық іс-шаралар ұйымдастырылатын болады, ОҚО әкімі зиялы қауым өкілдерімен кездеседі.
Сегізінші күн - «Ынтымақтастық күні». Салтанатты шаралардың өткізілу орындарында мерекенің басты нышаны - «Алтыбақан» құрылып, басты мерекелік іс-шара өткізіледі де, этностық-мәдени бірлестіктердің өкілдері концерт қояды.
Мерекелік тоғыз күндік «Ұлыс күнімен» аяқталады. Ұлттық спорт, ойын түрлері бойынша жарыстар жүргізіледі.
БҰҰ Бас Ассамблеясының шешімімен Наурыз мейрамы әлемдік мұралардың тізіміне енгізілгендігін атап өткен жөн. Қазақстан Президентінің Жарлығымен мемлекеттік Наурыз мейрамы 21 наурыздан 23 наурызға дейін атап өтіледі.