ОҚО: Түркістан қаласында 4 тоннаға жуық мақта өртеніп кетті

ШЫМКЕНТ. ҚазАқпарат - Оңтүстік Қазақстан облысының Түркістан қаласында 4 тоннаға жуық мақта өртеніп кетті.

ОҚО ТЖД-дан хабарлағандай, өрт 27 қыркүйек күні сағат 17:39-да «Түркістан мақта» АҚ-ның ашық алаңында болған. Оқиға орнына ОҚО ТЖД-ның 5 техника бірлігі мен 30 қызметкері дереу келіп жетті. Бұдан басқа, өртті сөндіруге «Түркістан мақта» ЖШС-ның 5 қызметкері қатысқан.

Өрт сол күні сағат 18:20-да жойылды. Қаза тапқандар мен зардап шеккендер жоқ.