Оксфорд ғалымдары Ақмола облысындағы балбал тастарды зерттеп жатыр

АСТАНА. ҚазАқпарат - Оксфорд университетінің ғалымдары Қазақстан аумағындағы ұлттық ескерткіштер жайлы кітап шығармақ, деп жазады khabar.kz.

Олар өз жұмыстарын Ақмола облысындағы балбал тастарды зерттеуден бастады. 2 жылдан кейін бұл ескерткіштердің барлығы арнайы жинаққа енгізіледі. Шетелдік мамандар еліміздегі ескерткіштердің шығу тегін ғана емес, оларды ары қарай сақтап қалу тәсілдерін ойластырмақ. Енді осы жұмысқа халықаралық деңгейдегі зерттеу жұмысы атағын беру көзделіп отыр.

-Біздің зерттеу тәсілдеріміз қазақстандық ғалымдардікінен ерекшеленеді. Біз осы ескерткіштердің қоршаған ортасын зерттейміз. Бұрында қазақ халқының өзендер бойындағы орналасу тәртібін білгіміз келеді. Оны болашақта алғашқы күйінде сақтап қалу тәсілдерін анықтаймыз, - дейді Оксфорд университетінің профессоры Трой Стэрнберг.