Олимпиада-2012: Семсерлесуші Элмир Әлімжанов вьетнамдық спортшыны тізе бүктірді

АСТАНА. 1 тамыз. ҚазАқпарат - Лондон Олимпиадасында семсерлесуден 1/32 финалда өнер көрсеткен Элмир Әлімжанов қарсыласынан басым түсіп, келесі кезеңге шықты.

Жерлесіміз вьетнамдық спортшы Тиен Нхат Нгуенді 8:8, 7:1 есебімен тізе бүктірді. Енді оның 1/16 финалдағы қарсыласы реселік Павел Сухов пен Оңтүстік Корея Республикасының спортшысы  Жинсун Иунг арасындағы жекпе-жектен кейін анықталады.

 Элмир Әлімжанов -  ұлттық команданың көшбасшысы. Ол 1986 жылы 5 қазанда Алматыда дүниеге келген. Ата-анасы баласының осы спорт түрін түрін таңдағанын қалаған екен. Олимпиадалық жолдаманы Элмир  Эстонияда өткен Әлем кубогі кезеңінде үшінші орынды еншілеп,  жеңіп алды. Бас жаттықтырушы Вилор Михайлович Дьяококиннің айтуынша, Элмир алдына қойылған мақсатын жүз пайызға орындады.