Өндірістегі жазатайым оқиғалар ең жиі Павлодар облысында орын алады
Облыстық прокуратура мәліметтеріне қарағанда, соңғы бес жыл ішінде Павлодар облысында өндірісте 87 адам қаза тапты. 2016 жылы өлім-жітіммен аяқталған жазатайым жағдайларының жоғары саны тіркелді - 27 (2015 жылы 9). Соңғы екі жылдың талдауы көрсеткендей (2015 және 2016 жылдар) өндірісте жарақат алу 7 пайызға өскен.
Индустриялы орталық болғандықтан Павлодар облысы өндірістегі жазатайым жағдайлар саны бойынша алдыңғы қатарда тұр. Егер 2016 жылы зардап шеккендердің саны 2015 жылмен салыстырғанда республика бойынша 2 307-ден 1 683-ке дейін төмендесе, аймақ бойынша 164-тен 191 дейін артты. Тексеру барысында жұмыс беруші жұмыскер алдындағы жауапкершілігін шектету үшін түрлі тәсілдерді қолданатыны белгілі болды. Әсіресе, жазатайым оқиғалар кезінде қызметтерді көрсетудің «жалған» шарттары немесе мердігерлік жұмыстар ұсынылады. Бұндай мәмілелер еңбек қатынастарының туындауына және жұмыс берушілер үшін «сырқаттану парақтарын» төлеу, кәсіби сырқаттануларды төлеу салдарына жол бермейді. Осылайша, 2015 және 2016 жылдары тоқтатылған 24 қылмыстық істің 8 жағдайында жұмыс беруші мен жұмыскер арасында еңбек шарты жасалмаған. Тау-кен-металлургия және энергетика өнеркәсібі, құрылыс салалары өндірістік жарақаттануға аса ықпалды болып табылады. 90%-дан астам оқиға Павлодар, Екібастұз және Ақсу қалаларында орын алған. Зардап шеккендер, көбінесе, «ТНК «Казхром» АҚ-АЗФ, «Алюминий Казахстана» АҚ, «KSP Steel» ЖШС ТПФ, «Кастинг» ЖШС, «Богатырь Көмір» ЖШС, «ЕЭК» АҚ-да тіркелді», - делінген хабарламада.
Сонымен қатар ведомство ақпаратына қарағанда, бірнеше жыл бойы аталған ұйымдарда уәкілетті орган тарапынан кешенді тексерулер жүргізілмеген. Өткен жылдың желтоқсанында прокуратура уәкілетті мемлекеттік орган қызметіне тиісті талдау жүргізген. Талдау нәтижелері көрсеткендей, мемлекеттік еңбек инспекторлары өндірістік жарақат алу деңгейін азайту үшін шара қолданбайды және уәкілетті органның қызметін мұқият зерделеуге негіз болып отыр. Еңбек басқармасы басшысының парамен ұсталу жағдайы осы салада қалыптасқан жағдайлардың шынайы себептерінің жасырылуын дәлелдейді.
«Өндірістегі жазатайым жағдайлар туралы медициналық мекемелердің еңбек инспекциясына хабарламаған 200-ден астам фактісі анықталды. Сотқа дейінгі 162 тергеудің басым бөлігі қылмыс құрамының болмауына байланысты тергеушілермен тоқтатылды. Ал сотқа 4 іс қана жіберілді (2015 және 2016 жылы 2 істен). Тексеру барысында прокуратура қылмыстық істі тоқтату туралы осындай 8 шешімнің күшін жойды. Осындай амалды қолдану себептерімен прокурорлар талдау жүргізуде, бірақ осындай істі зерттеуге тергеудің дайын еместігін қазірдің өзінде айтуға болады. Осыған байланысты прокуратураның нұсқауы бойынша ішкі істер органдарында осы санаттағы істерді зерттеу жөніндегі тұрақты жедел-тергеу тобы құрылды. Облыс прокуратурасы қазіргі уақытта осы нормаларға өзгерістер енгізуге бастамашылық етті, прокурорлық қадағалау актілері енгізілді», - делінген ведомство ақпаратында.