Оңтүстік халқы БҚО-ға гуманитарлық көмек тиелген жүк керуенін жіберді

ШЫМКЕНТ. 26 сәуір. ҚазАқпарат /Татьяна Пылаева/ - «Нұр Отан» ХДП Оңтүстік Қазақстан филиалының бастауымен облыс халқы жинаған гуманитарлық көмек тиелген жүк керуені бүгін су тасқынынан зардап шеккен еліміздің батыс өңіріне жөнелтілді.

«Нұр Отан» ХДП ОҚФ төрағасының бірінші орынбасары Ұласбек Сәдібеков хабарлағандай, акцияның бір аптасында ОҚО халқы 40 тонна гуманитарлық көмек жинаған, оның ішінде дәрі-дәрмек, азық-түлік, киім, бірінші кезекте қажет болатын заттар бар. «Сонымен қатар, зардап шеккен халық атына ашылған есепшотқа 20 млн. теңге аудардық», - деді Ұ.Сәдібеков.