Оңтүстік Қазақстан облысы әкімінің жаңа орынбасары тағайындалды

ШЫМКЕНТ. 28 ақпан. ҚазАқпарат - Оңтүстік Қазақстан облысы әкімінің орынбасары болып Сапарбек Құрақбайұлы Тұяқбаев тағайындалды, деп хабарлады әкімдіктің баспасөз қызметінен.

Тағайындау туралы бұйрық күшіне 2012 жылдың 27 ақпанында енді. Оған Қазақстан Республикасы Президенті Әкімшілігінің келісімі мен С.Тұяқбаевтың жеке өтініші негіз болды. Бұл қызметке ол басқа жұмысқа ауысуына байланысты ОҚО әкімінің орынбасары қызметінен кеткен 40 жастағы Ерлан Айтахановтың орнына келді.