Оңтүстік Қазақстан облысында 50 көпір мен жол өтпелері салынады
Көлік және коммуникация министрлігі, Автокөлік жолдары комитеті облыстық департаментінің директоры Арман Қайырбеков атап өткендей, қазіргі уақытта 30 көпір мен 13 жол өтпелерін тұрғызу жұмыстары жүргізілуде. Әсіресе, Түркістан қаласының маңындағы 12 аралықтан тұратын жол өтпесіне баса назар аударған жөн. Оның құрылысымен «Дена Рахсаз» компаниясы айналысуда.
Бұл жол өтпесі тарихи-мәдени ескерткіштердің орталығы саналатын Түркістан қаласы арқылы өтетін жүк транзиті көліктерінің ағынын азайтуға мүмкіндік береді.
Шымкент қаласы арқылы өтетін көлік ағыны мәселесін реттеу де аса маңызды болып табылады. Себебі, соңғы жылдары жеке сектор құрылысының қарқыны артуына байланысты қала шеті бірнеше есе өскен. Бұл жерде «Азеркопу» компаниясы 7 монолиттік көпір тұрғызуда. Бұл көпірлер құрастырмалы емес, тұтас болып табылады. Осылайша, аталған құрылыстар арқылы тұрғындардың қала шетінен орталықтағы көшелерге жетуі жеңілдей түсетін болады.
Жалпы, «Батыс Еуропа - Батыс Қытай» халықаралық көлік дәлізінің Оңтүстік Қазақстан облысының аймағымен өтетін учаскесінің ұзындығы 418 км құрайды, соның 353,7 км цемент-бетонды жабынды болады. Бұл жол транзиттік автокөлік көп болуына байланысты бірінші техникалық санатқа сай келетін 4 жолақты болып салынады.
Бүгінде құрылыс жұмыстары жалпы ұзындығы 239 км құрайтын 7 учаскеде жүргізілуде. Алғашқы 55 км өткен жылы салынған болатын, ағымдағы жылы 142 км жол құрылысын аяқтау жоспарлануда.
Қалған, жалпы ұзындығы 179,5 км құрайтын Шымкент-Жамбыл облысының шекарасы және Шымкент-Ташкент учаскелерінің құрылысы бойынша бүгінгі күні ҚР Көлік және коммуникация министрлігінің Автомобиль жолдары комитеті қаржы көздерін анықтау мәселелері қарастырылуда және конкурстық процедураларды ұйымдастыру жұмыстарын жүргізуде.
Аталған жобаны жүзеге асыру барысында өңірдегі жұмыссыздық деңгейін төмендетуге мүмкіндік туды. Айталық, құрылыс жұмыстарына 4221 адам тартылса, солардың 3927-сі жергілікті тұрғындар. Құрылыс жұмыстары барысында олардың көпшілігі зертханашы, бетон төсеу кешенінің операторы секілді жаңа мамандықтарды игерді. Бұл өз кезегінде жол саласы
«Батыс Еуропа - Батыс Қытай» магистралін қайта салу Мемлекет басшысы Н. Назарбаевтың бастамасымен 2009 жылы қолға алынды. Батыс пен Шығысты жалғаған сауда магистралі - «Ұлы Жібек жолын» бес ғасыр өткен соң қайта жаңғыртуды Елбасы өзі ұсынған еді. Нәтижесінде көрші мемлекеттермен бірқатар меморандумдар қабылданып, жобаны жүзеге асыру туралы келісімге қол жеткізілді.
Бұл жоба Қазақстан үшін еліміздің транзиттік әлеуетін іске асырумен қатар республикамыздың оңтүстігі мен батыс өңірлерінің бір-бірімен сенімді көлік байланысын орнатуы үшін де тартымды.
«Батыс Еуропа - Батыс Қытай» халықаралық көлік дәлізі бұл - Қытайдан Еуропаға тауар тасымалдаудың ең қысқа жолы. Бұл қашықтықты аталған көлік дәлізімен жүріп өтуге 10 күн кетеді, ал темір жол арқылы жүріп өтуге 15 күн жұмсалатын болса, теңіз арқылы аталған қашықтықты жүріп өтуге бір жарым ай уақыт (45 күн) кетеді.
«Батыс Еуропа - Батыс Қытай» халықаралық көлік дәлізінің қазақстандық учаскесінің ұзындығы 2 787 км құрайды, соның 2 452 км қайта салуды қажет етеді. Қазір құрылыс жұмыстары 4 облыста: Ақтөбе, Қызылорда, Жамбыл және Оңтүстік Қазақстанда 34 учаске бойынша 1 621 км жолы бойында жүргізілуде. Бүгінге 215 км құрайтын Қарабұтақ - Ырғыз - Қызылорда облысы шекарасы пайдалануға берілді. Ағымдағы жылы 700 км жолды тапсыру көзделуде. Қазақстандық учаскені толық аяқтау және пайдалануға беру 2015 жылға жоспарланып отыр.