Оралда екі бірдей ірі жарыс өткізілмек

ОРАЛ. Маусымның 4-і. ҚазАқпарат /Ғайсағали Ералы/ - Орал қаласында таяуда екі бірдей ірі жарыс өткізілмек,

деп хабарлайды ҚазАқпарат тілшісі. Маусымның 8-13-інде мұз айдыны сарайында даңқты боксшы, Мәскеу олимпиадасының күміс жүлдегері, екі мәрте әлем кубогінің жеңімпазы, қос дүркін Еуропа чемпионы, КСРО-ның еңбек сіңірген спорт шебері, Мәжіліс депутаты Серік Қонақбаевтың жүлдесі үшін бокстан халықаралық турнир өтеді. Оған ТМД елдерінен он команда қатысады деп күтілуде. Осыған іле-шала, маусымның 13-15-іне белгіленіп отырған еркін күрестен ересектер арасындағы ҚР чемпионаты да тартысты өтетіні анық. 2008 жылғы Бейжің олимпиадасының еркін күрестен күміс жүлдегері Таймураз Тигиевтің Батыс Қазақстан облысы атынан сынға түскені белгілі.