Оралда қала әкімінің кубогі үшін КТК ойынында ақтөбеліктер жеңіске жетті

АЛ. 29 қыркүйек. ҚазАқпарат /Елжан Ералы/ - Оралдағы Жастар мәдениет сарайында кеше ел тәуелсіздігінің 20 жылдығына арналған «Біз достығымызбен мықтымыз» деген тақырыпта қала әкімінің кубогі үшін көңілді тапқырлар клубының ойыны болды.

Аталмыш шараға Орынбордан «Паштет», ақтөбелік «Сборная Актобе», Ақсайдан «Интернационал», оралдық «Ұлы қазақ», «Акцент», «Спецвыпуск», «Прямой эфир», «Разум» командалары қатысты.

Қазақстандағы КТК ойынын дамыту, жастар шығармашылығын, олардың актерлік шеберлігін шыңдау мақсатында ұйымдастырылған сайыс қорытындысында ақтөбеліктер жеңіске жетіп, кубокті иеленді.