Оралда Қазақстан кәрістері қауымдастығы филиалының 20 жылдығы аталып өтті

ОРАЛ. Мамырдың 12-сі. ҚазАқпарат /Елжан Ералы/ - Орал қаласында Қазақстан кәрістері қауымдастығы Батыс Қазақстан филиалының 20 жылдығы атап өтілді,

деп хабарлайды ҚазАқпарат тілшісі.

Осыған орай Оралда өткен мерекелік шараға Кореяның Қазақстандағы бас консулы Квон Донг Сонг, Қазақстан кәрістері қауымдастығының президенті Роман Ким қатысты. Меймандарды облыс әкімінің бірінші орынбасары Нұрлан Ноғаев қабылдап, елдегі тұрақтылық пен рухани келісімді нығайтуға кәріс ұлтының қосқан үлесін атап өтті.

Шара барысында дөңгелек үстел отырысы, салтанатты жиналыс, мемлекеттік кәріс театрының мерекелік концерті ұйымдастырылды.