Оралда саяси клуб отырысы болып, онда «Ақ жол» демократиялық партиясының тұжырымдамасы талқыланды

ОРАЛ. Қазанның 30-ы. ҚазАқпарат /Ғайсағали Ералы/ - Оралда қазанның 30-да саяси клубтың кезекті отырысы болып, онда «Ақ жол» демократиялық партиясының «Қазақстанның 2010-2020 жылдарға арналған жаңа ұлттық саясатының тұжырымдамасы» талқыланды,

 деп хабарлайды ҚазАқпарат тілшісі.

Аталмыш тұжырымдама биылғы қыркүйек айында Алматы қаласында таныстырылған болатын. Ол әлі жоба күйінде, сондықтан құжат келер жылғы ақпанның 1-не дейін қоғамдық талқыға түспек.

Отырыста саяси партиялар өкілдері тұжырымдамаға байланысты түрлі пікірлерін білдірді. Олардың байламынша, мұндай тұжырымдама керек, алайда оған күрделі толықтырулар мен өзгертулер енгізілуі қажет.