Оралда тұмаудың алдын алуға арналған семинар өткізілді
Облыстық денсаулық сақтау басқармасының баспасөз қызметінен түскен мәліметке қарағанда, семинардың мақсаты - тұмау мен жедел респираторлық вирусты жұқпалардың алдын алу және олардың тұрғындар арасында таралуына жол бермеу.
Тұмау - жаппай бұрқ ете түсуі, тіпті індетке айналуы мүмкін ең көп тараған жұқпалы аурулардың бірі. Тұмау және жедел респираторлық вирусты жұқпаларды жұқтыру тәсілі, негізгі көріністері бойынша бір-біріне ұқсас дерттер болғанымен, бұл бір ауру емес. Тұмау едәуір үлкен уыттануды тудырады, өту барысы көбіне ауыр әрі түрліше асқынуларға соқтырады.
2012-2013 жылғы эпидемиологиялық маусымда А (Н1N1 және H3N2 тип түрлері) және В тұмауының вирустары айналымда болады деп болжануда. Тұмауға қарсы вакцинаның құрамына А (Н1N1 және H3N2) және В вирустарының штамдары енген.
Соңғы 20 жыл ішінде жедел респираторлық вирусты жұқпалармен сырқаттанушылықтың көтерілу деңгейі қазан айына, тұмау желтоқсан-қаңтарға сәйкес келуде.
