Оралда үйдің ауласынан граната табылды

ОРАЛ. Маусымның 2-сі. ҚазАқпарат /Ғайсағали Ералы/ - Орал қаласы Құрманғазы көшесіндегі 64-ші үйдің ауласынан Ф-1 гранатасының сыртқы қорабы табылды.

Облыстық төтенше жағдайлар департаментінің баспасөз қызметінен ҚазАқпарат тілшісіне хабарлағанындай, аталмыш «олжаны» С. деген азамат тауып алып, сол бойда құқық қорғау органдарына хабар берген. Көп кешікпей келген төтенше жағдай департаменті, құқық қорғау органдары, ҰҚК қызметкерлері табылған гранатаны залалсыздандырды.