Өскеменде осыдан бір ай бұрын жоғалған екі жасар қыз баланың денесі табылды

ӨСКЕМЕН.  Қазанның   26-сы.  ҚазАқпарат /Людмила Малько/ -   Жексенбі күні   сағат 12.00-де  төтенше   жағдайлар   департаменті кезекшісінің  пультіне понтон көпірінің  маңайында балық аулап    жүрген ер азаматтың   судан кішкентай баланың  денесін  тапқаны  туралы   хабар келіп түсті.

Кейін  анықталғандай, ол    қыркүйектің 21-де  Өскемендегі  саяжай кооперативтерінің бірінде  жоғалып  кеткен 2 жасар Настяның    денесі   болып   шықты.  Баланың мәйіті полицияға   тапсырылды.

 Қыркүйек  айының соңында  орын алған  бұл оқиға    Өскеменде    үлкен толқу туғызған болатын.  Баланың  ата-анасы,  қала тұрғындары, полиция  қызметкерлері    оны кешегі күнге дейін іздестіріп келді.