Өткен аптада Қызылорда облысында 7 жол-көлік оқиғасы орын алып, 2 адам қаза тапты

ҚЫЗЫЛОРДА. Тамыздың 21-і. ҚазАқпарат /Жаңагүл Сердалы/ - Қызылорда облыстық жол полициясының дерегі бойынша, өткен аптада облыс жолдарында апта кө­лемінде 7 жол-көлік оқиғасы орын алып, онда 2 адам қайтыс болған. Бұдан бөлек тағы 5 адам әртүрлі дене жарақатымен емдеу-сауықтыру орындарына түскен.

Қазалы ауданының орталығы Әйтеке би кентінің тұр­ғыны өзінің «Опель Вектра» авто­көлігімен көшені кесіп өтпекші болған азаматты қағып кеткен. Нәтижесінде жаяу жүргінші алған дене жарақатынан оқиға орнында қаза болды.

Осы айдың 12-сі күні Арал қаласы, Нұржаубаев көшесі тұрғыны «УАЗ» автокөлігімен көшенің бойында қара­ма-қарсы бағытта келе жатқан вело­сипедшіні қағып кеткен. Нәтижесінде ол да алған дене жарақатынан оқиға басында көз жұмған.