«Павлодар» ӘКК-ні Алмас Мәдиев басқарды

ПАВЛОДАР. 6 тамыз. ҚазАқпарат - «Павлодар» әлеуметтік-кәсіпкерлік корпорациясы» Ұлттық компаниясы» акционерлік қоғамы басқармасының төрағасы болып

компанияның жалғыз акционерінің шешімімен Алмас Өскенбайұлы Мәдиев тағайындалды, деп хабарлады облыс әкімінің баспасөз қызметінен.

А.Мәдиев 1972 жылы Жамбыл облысында дүниеге келді, Жамбыл жеңіл және азық-түлік өнеркәсібі технологиялық институты мен Ясауи атындағы Халықаралық Қазақ-Түрік университетін тәмамдаған.

1997-2003 жылдар аралығында Жамбыл облыстық әкімдігінде әкімнің көмекшісі, экономика басқармасының жетекші маманы, қаржы және әлеуметтік қорғау секторының меңгерушісі қызметтерін атқарды.

2003-2009 жылдары - Жамбыл облыстық әкімдігінің экономика басқармасының бастығы, экономика және бюджеттік жоспарлау департаментінің директоры, кәсіпкерлік және өнеркәсіп басқармасының бастығы.

2009-2011 жылдары «Оңтүстік» ӘКБ ҰК» АҚ-да қаржы директоры, басқарушы директоры, басқарма төрағасының орынбасары қызметтерін атқарды.

2011 жылдан бері Алматыда «Қазақстанның Инвестициялық қоры» АҚ-ның басқарушы директоры болып жұмыс істеген.