Павлодар қаласында жас саясаттанушылар мен әлеуметтанушылар бас қосты

ТАНА. 9 қараша. ҚазАқпарат - Қазақстан Республикасының Білім және ғылым министрлігі мен «Qaznetexpert» Қазақстан сарапшылар желісі 2011 жылғы 7-9 қараша аралығында Павлодар қаласында жас сарапшылардың республикалық форумын өткізді.

Қазақстан Жастары конгресінің қолдауымен өткен форум Қазақстан Республикасының 20 жылдығына арналды.

Оның басты мақсаты - жас саясаттанушылар мен әлеуметтанушылардың мүмкіндіктерін дамыту, мемлекеттік жастар саясатын, жеке алғанда, 2012-2015 жылдарға арналған Мемлекеттік жастар саясаты тұжырымдамасының жобасын талқылау болды.

Іс-шараға саясаттану мен әлеуметтану мамандықтарының студенттері, магистранттары, докторанттар және жоғарғы оқу орындардың жас оқытушылары, сондай-ақ әр түрлі сараптамалық құрылымдардың өкілдері қатысты.

ҚР Тәуелсіздігінің мерейтойына және жастар саясатына арналған тағы бір іс-шара «Достық үйі» МСО-да өтті. Ал С.Торайғыров атындағы ПМУ-де Қазақстанның жетекші саясаттанушылары мен әлеуметтанушылары ізбасарларына шеберлік-сабақтарын өткізілді. Оның барысында мемлекеттік жастар саясаты тұжырымдамасының жобасы талқыланып, «Сараптама баяндамаларды жазу тәсілдері» тақырыбындағы семинар-тренинг ұйымдастырылды.