Павлодар мектептерінде «Жеңіс алауы» марафоны өтуде
деп хабарлады қалалық білім бөлімінен.
№22 мектепте Ұлы Отан соғысының ардагерлеріне құрмет көрсетілді, соғыста қаза болғандар бір минуттық үнсіздікпен еске алынды, интернационал-жауынгерлерге арналған ескерткіштің құрмет вахтасына қатысушылар атап өтілді.
Майдангерлер мектептің биылғы түлегі, болашақ Отан қорғаушы Азамат Қожайбердиевке Жеңіс алауын табыс етті. 2,5 ай бойы мектептерді аралап шығатын алаудың марафоны мамырдың 5-і күні Даңқ Обелискі жанында аяқталады.
Павлодар оқушылары Ұлы Жеңістің мерейтойына арнап патриоттық әндер конкурсын өткізді. Шараның демеушісі - «Нұр Отан» партиясы - бас жүлдегер атанған №26 мектептің әншілерін сыйлықпен марапаттады, қалған жүлдегерлер де атап өтілді.