Павлодар облысында өткізілген «Полиция және мектеп» акциясына прокуратура, сот, ҮЕҰ қызметкерлері мен нұротандықтар қатысты

ПАВЛОДАР. Қазанның 4-і. ҚазАқпарат /Николай Кузнецов/ - Павлодар облысында қыркүйектің 13-інен бері өткізіліп келген «Полиция және мектеп» республикалық акциясы аяқталып келеді,

деп хабарлайды ІІД баспасөз қызметі.

Жеткіншектер қылмысын алдын алуға бағытталған жұмыстарға полицейлер, сот, прокуратура, білім беру, денсаулық сақтау және т. б органдар өкілдері, нұротандықтар, ҮЕҰ мен ата-аналар, барлығы 1485 адам атсалысты.

«Полиция және мектеп» акциясы 425 мектеп пен орташа-арнайы мекемелерде өткізілді. Үш апта ішінде тек кәмелетке толмағандар ісі жөніндегі инспекторлар жеткіншектермен құқық тақырыбында 705 кездесу өткізді.