Павлодар облысының кедендік бекетінде 32 келі апиын тәркіленді

ПАВЛОДАР.   Қазанның  30-ы. ҚазАқпарат /Вера Ливинцова/ -   Павлодар облысындағы  «Өрлітөбе»  бекетінің кеденшілері    Омбыға бара жатқан Қырғызстанның 45 жастағы  азаматының көлігінен   32 келі  апиын   тапты.

Артқы орындықтың астындағы жасырын    орынға   33 пакет    жасырылған  болып шықты,     сараптама   ондағы   заттың  апиын  екенін  анықтап  отыр,  деп   хабарлады   бұқаралық ақпарат құралдарына  Кедендік  бақылау  департаментінің       өкілі Анар Қалиева.  Есірткі  иісшіл    иттің көмегімен     табылды.   Тасымалдаушы  абақтыға     жабылып,     тергеу амалдары  жүргізілуде.