Павлодар облысының Минералды-шикізат ресурстарын дамыту жөніндегі 2013-2015 жылдарға арналған жоспары бекітілді

ПАВЛОДАР. 1 шілде. ҚазАқпарат - Өткен сенбі күні өңір басшысы Ерлан Арын өткізген әкімдіктің кеңейтілген отырысында Павлодар облысының Минералды-шикізат ресурстарын дамыту жөніндегі 2013-2015 жылдарға арналған жоспары бекітілді.

Бұл туралы аймақ жетекшісінің баспасөз қызметінен хабарлады.

Жоспарды облыстық Табиғи ресурстар басқармасы биылғы мамыр айының соңында ұсынып, ол қайта пысықтауға жіберілген болатын.

Павлодар облысында табиғи қазбалардың 100-ден астам барланған кен орны бар, игеруді 35 кәсіпорын жүргізуде. Жоспарда - Сары-Бидайық кен ошағында әктасты, кварц және құрылыс құмдарын өндіру жобаларын жүзеге асыру, шикізаттан құрылыс материалдарын өндіру бар.