Павлодарда әкімдердің есеп беру кездесулеріне дайындық басталды

ПАВЛОДАР.  Желтоқсанның   28-і.  ҚазАқпарат /Вера Ливинцова/ -   Павлодарда  және қала  төңірегіндегі    ауылдық   жерлерде  атқарушы орган басшыларының  халықпен  есептік кездесулеріне    дайындық    басталды.

Қала әкімі аппаратының  хабарлауынша,    бірінші  болып,  қаңтардың -11-інен бастап,   Долгое,  Мойылды  және Байдала    ауылдарының әкімдері    тұрғындармен кездесулер өткізеді.

Облыс орталығы басшысының  жұмысы  туралы сын-ескертулерге  және ұсыныстарға арналған жәшіктер   қаланың  тоғыз ықшам ауданында,    еңбекпен қамту  және  әлеуметтік бағдарламалар бөлімінде,   мектептерде   және т.б.  халық көп жиналатын   орындарда  орнатылған.