Павлодарда белбеу күрестен бірінші республикалық турнир өтеді
Орталық стадионның спорт кешенінде өтетін жарысқа республиканың барлық өңірінен 100-ден астам спортшы жиналып отыр.
Жекпе-жектің байырғы түрлерінің бірі болып табылатын белбеу күресінің Олимпиадалық ойындарға қосылу мүмкіндігі зор. Халықаралық олимпиадалық комитеттің мұражайында осыдан үш мың жыл бұрын бейнеленген белбеу күресі балуандарының қыш суреті бар, белбеу күресі туралы мәліметтер Азия мен Еуропаның көптеген елдерінің әдебиеттерінде де кездеседі.
Турнирді ұйымдастырушылардың айтуынша, кәсіби спорттың үрдістерін назарға алу керек, себебі қазақстандық палуандардың белбеу күресіне бейімділігі біздің спортшыларымызға халықаралық жарыстарда үлкен мүмкіндіктер беретін болады.