Павлодарда Жеңіс күніне орай Кеңес Одағы Батырларының мүсіндерін ашу рәсімі болады

ПАВЛОДАР. 8 мамыр. ҚазАқпарат - Бүгін Павлодарда Жеңіс саябағының Даңқ аллеясында салтанатты түрде Кеңес Одағының Батырлары Николай Бердниковқа (1913-1983), Дмитрий Потаповқа (1911-1974), Иван Суптелге (1919-1975) арналған мүсіндер ашылмақ.

Майдангерлер - Ресей тумалары, бірақ соғыстан кейінгі жылдары Павлодар облысында еңбек етті.

Сондай-ақ, Даңқ мұражайында «Біз сені ұмытпаймыз, жауынгер!» экспозициясы да өз жұмысын бастамақ.

Жеңіс күніне орай шаһардың орталық жағалауында жеңіл атлетикадан жарыс өтеді. Оған спортшылар, студенттер мен мектеп оқушылары қатысады.