Павлодарлық құтқарушылар «жарылған газ баллонының» салдарымен күресті

ПАВЛОДАР. 13 қазан. ҚазАқпарат - Павлодар ТЖБ азаматтық қорғаныс басқармасының қызметкерлері арнайы оқу кезінде вагон құрастыру цехында болған «пропан толтырылған баллонның жарылу» салдарын дереу жоя алды, деп хабарлады қала әкімінің баспасөз қызметі.

Оның барысында «Өрт сөндіру және апаттық құтқару жұмыстары қызметі» құрылымының жеке құрамы мен Апаттық медицина құтқару орталығының бригадасы мен «Павлодар вагон жөндеу депосының» қызметкерлерінің тәжірибелік машықтары мен өзара әрекет етулері пысықталды.

Оқуға қатысушылар қойылған барлық тапсырмаларды орындап шықты.