Павлодарлық оқушылар «Үздік олимпиадалық команда» атағын жеңіп алды
деп хабарлады білім басқармасынан.
19 сәуірде Қостанайда аяқталған республикалық білім олимпиадасының қорытынды жарысына республиканың түкпір-түкпірінен келген оқушылар қатысты.
Павлодар командасының атынан 49 оқушы өнер көрсетті. Олар Білім жарысының қорытындысы бойынша 27 медаль, атап айтқанда: 7 алтын, 9 күміс, 11 қола медаль жеңіп алды. №8 мектеп-лицейдің 11 сыныбының екі оқушысына білім гранттары тағайындалды. Қайролла Жақыпов - Қазақ-Британ Техникалық университетінің грантына ие болса, Артем Клеван - Жоғары технологиялар халықаралық институтының грантына ие болды. Павлодардың тағы жеті оқушысы Білім және ғылым министрлігінің Құрмет грамоталарымен марапатталды.
Оқушылардың сапалы дайындығы мен жоғары нәтижелері үшін Дарынды балаларға арналған №3 гимназия «Үздік олимпиадалық мектеп» атағына ие болды. Қостанайдан оралатын жеңімпаздар бүгін кешке Павлодар теміржолында салтанатпен күтіп алынады.
