Павлодарлық орман шаруашылықтарында браконьерлер 14 қылқан жапырақты ағашты кесті
деп хабарлады Павлодар облыстық ішкі істер департаментінің баспасөз қызметінен.
Павлодарское селосының учаскелік инспекторы мен орманшы Жаңа ауыл орман шаруашылығының аумағын аралау кезінде жаңа кесілген 10 қарағай ағашының түбірінің үстінен түседі. Шананың ізімен олар Павлодарское селосының тұрғындарының бірінің үйіне шығады және кесілген қылқан жапырақты ағаштарды сол жерден табады. Қазір сараптама жұмыстары жүргізілуде, соның нәтижесі бойынша шешім қабылданады.
Полиция қызметкерлері, сондай-ақ Маралды орман шаруашылығында төрт шыршаны кескен екі азаматты ұстады. Шыршалардың құны 77 мың теңгеге бағаланып, ҚР Қылмыстық кодексінің 175-ші бабы бойынша қылмыстық іс қозғалды.