Пеш және газ құралдарының ақаулығы салдарынан 4 адам зардап шекті, оның ішінде екі бала бар

АСТАНА. 12 қаңтар. ҚазАқпарат - Ел аумағында пеш және газ құралдарының ақаулығы салдарынан 4 адам зардап шекті, оның ішінде екі бала бар,

деп хабарлайды ҚР ТЖМ-нің баспасөз қызметі.  

Сәрсенбі, 11 қаңтар күні Қызылорда қаласында газ құралдарының ақаулығы салдарынан Шүкіров, 5А көшесінде орналасқан пәтерлердің бірінде 1952 жылғы бір ер азамат пен 1959 жылғы бір әйел иіс тиіп, ауруханаға жеткізілді.

Дәл осы күні Астана қаласында Жұмабаев, 32/10 көшесінде орналасқан үйде қатты отынмен жанатын пеш жабдығының ақаулығы салдарынан 2002 және 2008 жылғы екі бала иіс тиіп, ауруханаға жеткізілді.