Португалия Елбасы Жолдауымен танысты

АСТАНА. 5 наурыз. ҚазАпарат - Бүгін Португалияның елорасы Лиссабон қаласында ҚР Сыртқы істер вице-министрі Алексей Волковтың қатысуымен екіжақты кеңестер өтті. Бұл туралы ҚР Сыртқы істер министрлігінің ресми өкілі Алтай Әбибулаев мәлім етті.

«Екі ел тарихында алғаш рет өткен кеңестер аясында тараптар екіжақты және көпжақты ынтымақтастық шеңберіндегі көлегейлі мәселелерді талқылады. Іс-шараға бағыштап, қазақстандық тарап Елбасының халыққа Жолдауын португал тіліне аударып, аталмыш ел өкілдерін Жолдауда аталған басты мақсаттармен егжей-тегжейлі таныстырады», - деді А.Әбибулаев.