Премьер-Министр Ақтөбенің азық-түліктік белдеуімен танысты

АҚТӨБЕ.   Желтоқсанның 20-сы.  ҚазАқпарат /Мирал Жармұхамбетов/ - Премьер-Министр Кәрім Мәсімов бүгін  Ақтөбеге   жұмыс сапары барысында    «Мега-Ақтөбе»  ойын-сауық  кешенінде  болды  және   Ақтөбе қаласының азық-түліктік     белдеуін жасаудың   жай-күйімен    танысты.

Бүгінгі  таңда облыс  орталығы      негізгі  тамақ   өнімдерімен  толық  қамтамасыз  етілген,   астықпен   қамтылу көрсеткіші   нормадан   2 есеге   асса,   етпен  қамтылу көрсеткіші - 142   пайызды,  сүтпен - 134 пайызды,    өз өндірісіндегі  жұмыртқамен  қамтылуы - 133 пайызды, картоппен   қамтамасыз  етілу көрсеткіші  145 пайызды    құрап  отыр.

Үкімет басшысының  назарына  сондай-ақ   агроөнеркәсіптік  кешеннің  астық, ет, сүт,   көкөніс  және өсімдік майы сияқты  бес негізгі факторлары бойынша  ауқымды  материалдар таныстырылды.  Ойын-сауық  кешенінің  фойесінде       аталмыш  кластерлерге кіретін  шаруа қожалықтары  мен  серіктестері   өндіретін    өнім  үлгілерінің көрмесі  ұйымдастырылды.

 Премьер-Министр ойын-сауық орталығында   тамақ өнімдерінің бағасымен  танысты.