Премьер-Министр Кәрім Мәсімов Ақтөбеде емхананың ашылуына қатысты

sp;АҚТӨБЕ.  Желтоқсанның 20-сы.  ҚазАқпарат /Қанат  Құлшыманов/ -    Премьер-Министр Кәрім  Мәсімов  пен Ақтөбе   облысының әкімі   Елеусін Сағындықов    бүгін,  желтоқсанның 20-сы күні Ақтөбе қаласында жаңа  емхананың ашылу  рәсіміне қатысты.

Емхана ауысымда  500  адамды қабылдауға  есептелген,   оның ішінде  350-і - ересек   адам,  150-і -   балалар.    Емханада     хирургиялық қабылдау,  инфекциялық  аурулар,  функционалдық   диагностика,  физиотерапия,   рентгенодиагностика кабинеттері,  ем-дом     кабинеттері мен  зертханалар  бар.

Емханада,   сондай-ақ  әлемдік  өндірушілерден  алынған компьютерлік томограф, ультрадыбыстық аппарат,  фиброгастросокп  сияқты  заманауи медициналық жабдықтар   орнатылған. Жобаның   сметалық   құны - 1,233 миллиард теңге, ал  нысанның  жалпы ауданы - 3268,3  шаршыметрді құрайды.