Ресей Президенті В.Путин Н.Назарбаевты туған күнімен құттықтады

АСТАНА. 6 шілде. ҚазАқпарат - Бүгін Ресей Федерациясының Президенті В.В.Путин Қазақстан Республикасының Президенті Н.Ә.Назарбаевпен телефон арқылы сөйлесті.

Бұл туралы РФ басшысының баспасөз қызметінен хабарлады.

"В.Путин Н.Назарбаевты туған күнімен жылы құттықтап, ізгі ниетпен денсаулық пен амандық, ынтымақты Қазақстан халқының игілігі жолында одан арғы жетістіктер, екіжақты стратегиялық әріптестіктің барынша дамуын тіледі.

В.Путин алдағы жақын уақытта Н.Назарбаевты жеке құттықтауға мүмкіндігі болатындығына сенім білдірді.