Риода Дычкоға жеке бапкер жетіспеді

ҚОСТАНАЙ. ҚазАқпарат - Олимпиаданың екі дүркін қола жүлдегері Иван Дычко шешуші жекпе-жекте Қазақстанда қалған жеке бапкеріне мұқтаж болғанын жасырмады.

Қостанайға келген Иван Дычко бапкерлік құрамға алғысын білдірді, бірақ шешуші жекпе-жекте Рудныйда қалған жеке бапкерінің жетіспегенін айтты.

Әуежайдағы брифингті аяқтап, спортшы қолына Мемлекеттік ту алып, Қостанай көшелерімен кабриолетте жүріп өтті.

Айта кетейік, Иван Дычко бүгін Қазақстанға оралды, оны әуежайда туыстары мен жанкүйерлері күтіп алды. Әуежайда баспасөзге арналған брифинг өтті. Боксшы қостанайлықтарға олимпиадалық жеңіс тілеп, облыстың спортшылары олимпиадалық жүлделерге ие болып, биіктен көрінуіне үміттенетінін жеткізді.