Сәтбаев қаласы «Қазақмыс» корпорациясының Анненский кенішінде жұмысшы адам қаза тапты

ҚАРАҒАНДЫ. Тамыздың 16-сы. ҚазАқпарат /Валентина Елизарова/ - Қарағанды облысы, Сәтбаев қаласындағы «Қазақмыс» корпорациясының «Жезқазғантүстіметалл» өндірістік бірлестігінің Анненский кенішінде өткен жексенбі күні қайғылы оқиға орын алды, деп хабарлайды облыстық төтенше жағдайлар департаментінің баспасөз қызметі.

«2010 жылғы тамыздың 15-і күні, сағат 04.00-те қазба бөлімнің жабынын сылау жұмыстарын жүргізіп жатқан кезінде үстіне кен қабырғасының бір бөлігі құлап кетіп, үйінді астында қалған 1975 жылы туылған сылақшы қаза тапты», - деп ақпараттандырды облыстық ІІД баспасөз қызметі.