Семей қаласында жауынгер-интернационалистер еске алу митингісін өткізді

СЕМЕЙ. Мамырдың 8-і. ҚазАқпарат /Лина Славина/ - Бүгін Семейде Жеңістің 65 жылдығына арналған Ұлы Отан соғысы және интернационалды соғыста қаза тапқандарды еске алу митингісі өтті.

Салтанатты шараға Ұлы Отан соғысының қатысушылары, ауғандық жауынгерлер, «Шығыс» аймақтық қолбасшылығының әскери қызметкерлері, «Жас Ұлан» ер балалар лицейінің оқушылары мен қаланың студент жастары қатысты.

1941-1945 жылдары майдан даласында ерлікпен қаза тапқан әкелер мен аталардың батырлығын митингке қатысушылар бір минут үнсіздікпен еске алып, интернационалист жауынгерлерлердің ескерткішіне тірі гүлдер қойды.